Etxeetan instalatutako teknologia berritzaileen bitartez, betiOn telelaguntza zerbitzua erabiltzen duten 245 pertsonen bizi-kalitatea, autonomia eta segurtasuna hobetzea du helburu Oarsoaldean jada martxan jartzen ari den ekimenak.

Etxean bizi diren adinekoen bizi-kalitatea, autonomia eta segurtasuna hobetzea, balizko arriskuak goiz detektatuz eta arreta pertsonalizatua eskainiz. Gaur egun, betiOn zerbitzuak 3.000 pertsona inguru hartzen ditu eskualdean eta 80.000 Euskal Herrian zehar.

ADINBERRI Gipuzkoako Foru Aldundiko Zahartzearen Berrikuntzarako Fundazioak zuzentzen duen proiektu honek gainbehera kognitiboa, bakardadea eta segurtasun gorabeherak saihestu nahi ditu, hala nola adineko pertsonen etxeetan erorketak.

Ayesa eta Ilunion Vida Senior-ek osatutako UTEa, hainbat teknologiatan espezializatutako enpresa eta startup-en partzuergo baten bitartez, etxeetan telelaguntza aurreikuspen hori aurrera eramateko beharrezkoak diren gailuak instalatzeaz arduratzen da. Gainbehera kognitiboa eta bakardade egoerak goiz identifikatzeko hizketaren prozesamenduan oinarritzen dira tresnak, erortzeko arrisku egoerak identifikatuko dituzten sentsoreak eta erloju adimendunak ezartzeaz gain. Analitika aurreratuak, AI eta Big Data ere eskuragarri egongo dira prebentzio ekintzak ahalbidetzen dituzten eredu prediktiboak sortzeko.

Etxean eta ingurunean pertsonen autonomia hobetu nahian, ongizate egoeran eraginkortasuna lortuko dugu.