Adinberrik, Adinberri Silver Forum (www.adinberrisilverforum.com), Euskadin egin zen Silver Economy-ari buruzko nazioarteko lehen foroa antolatu zuen azaroaren 8an eta 9an, Donostiako Kursaal Biltzar Jauregian.

Silver Ekonomiari buruzko lehen Foro Globala sektoreko profesionalentzako topagunea izan zen, eta nazioarteko erreferentziazko hizlariak bildu zituen kongresua eta arlo horretan gertatzen ari diren berrikuntza nagusiak ezagutzeko aukera eman zuen azoka uztartu zituen.

Zahartze osasungarriaren inguruko hitzordu garrantzitsua izan zen, eta azaroaren 9ko arratsaldean herritarrentzat ere irekita egon zen.

Foroak Gipuzkoa erreferente bihurtu zuen ‘Silver Economy’ arloan. Hazkunde betean dagoen merkatua da, eta lurraldeko BPGaren % 5,5 da, 1.472 milioi eurorekin, eta 31.000 enplegu baino gehiagorekin.

Adinberrik estrategia horretan lagundu nahi du. Estrategia horrek, alde batetik, ikuspegi soziala batzen du, adinekoen bizi-kalitatea eta arreta hobetuz, eta, bestetik, garapen ekonomikoa bultzatzen du, enpresa-proiektu berriak sortuz Gipuzkoak ‘Silver Economy’ delakoaren esparruan duen potentziala bultzatuz.

Izan ere,  ‘Adinberri Silver Forum’-ek leku garrantzitsua bete nahi du ‘Silver Economy’ izenekoaren sustapenean, sektoreko profesional nagusiak bilduz eta merkatuan dauden ekimen berritzaile nagusiak ikusaraziz. Azaroko bi jardunaldi horietan foroak formatu bikoitza izan zuen: alde batetik, nazio eta nazioarte mailako adituen parte hartzea izan zuen kongresua, eta, bestetik, ‘Silver Economy’ delakoaren esparruan azken berrikuntzak erakutsi zituen azoka. Hori guztia, sektorea bultzatzeko politika publikoek duten zeregin garrantzitsua kontuan hartzen duen ikuspegitik.

Foroan parte hartu zuten nazioarteko adituen artean, Saila Rinne nabarmendu zen, Europako Batzordeko osasun digitalaren, ongizatearen eta zahartzearen unitateko arduraduna; bai eta ere Ad van Berlo, Smart Homes-en eta e-Health-en esperientzia zabala duen ingeniari holandarra; eta AgeTech arloan lider aitortua den Dov Sugarman, segurtasuna eta ongizatea monitorizatzeko industrian liderra den soluzioa garatu duena, eta Kongresura ‘Age-Tech startup-en azelerazioa: zahartzearen etorkizuna aldatuko duten ekintzaileentzako laguntza’ hitzaldiarekin etorri zena.

Kongresuan hauek ere hartu zuten parte: Keren Etkin gerontologoak, ‘The AgeTech Revolution’ liburuaren egileak, ‘AgeTech iraultza, zer, zergatik eta noiz’ izeneko hitzaldia emango du; eta Sarah Thomas, zahartzearen arloko berrikuntza estrategian adituak ‘AgeTech berrikuntza- lankidetza da funtsa’ hitzaldia emango du.

Proiektu berritzailez beteriko azoka

Aldi berean, 45 erakusketari izan zituen azoka egin zen, jarduketa eremu hauetan egituratuta: arreta eta zaintzak, etxebizitza eta bizitza luzerako inguruneak, zahartze aktibo eta osasungarria, eta finantza arloko plangintza.

Halaber, azokak, ‘living lab’ bat izan zuen eta 30 tailer demo baino gehiago hartu zituen ekimenen aplikazioa aztertzeko eta ezagutzeko. Gainera, eskaintzaren eta eskaeraren ordezkarien artean ‘one to one’ bilerak antolatzeko aukera ere eman zuen.

Doako jarduerak

Bestalde, foro honek aukera eman zien herritarrei azaroaren 9ko arratsaldean azaldutako ekimenak ezagutzeko, baita Mª Jesús Álava psikologoa zahartze aktiboari buruzko dibulgazio-ponentzia batera bertaratzeko ere. Bertan, mahai-inguru bat izan zen, eta bertan izan ziren, besteak beste, Mª Jesús Álava, Fernando Romay, Arantxa Urretabizkaia eta Hilario Arbelaitz, zahartzea ilusioz bizitzeko moduaren inguruan dituzten esperientziak eta bizipenak partekatu zituztenak.

Zergatik bisitatu Adinberri Silver Forum

• Ezagutu Age-Tech-i eta Silver Ekonomiari lotutako azken joerak. Gai asko eguneratu ahal dira: arreta sozial eta soziosaniatarioaren arloko eredu berritzaileak; merkatuan dauden Age-Tech produktu, zerbitzu eta teknologiak; lurraldeko Politika Publikoak; enpresa-ekimen arrakastatsuak.

• Adinekoen ongizatearen zerbitzuan dauden azken baliabideak probatu. Adinberri Silver Forum-i esker, produktuen eta zerbitzuen living lab irtenbide berritzaileak testatu ahal dira.

• On-to-one Agenda, interesatzen zaizkizun erakusketariekin eta parte hartzaileekin biltzeko. Adinberri Silver Forum topagune bat da, non bilerak hitzartu ahal dira bai eta beste parte hartzaile batzuekin.

• Jarri harremanetan Silver ekosistemako agenteekin. Adinberri Silver Forum-ek networking sareak ditu zure kontaktuen sarea zabal dezazun; Silver ekosistemako eragileekin konektatuta egon zaitezen; bezeroak, bazkideak eta preskriptoreak ezagut ditzazun; eta negozio aukera berriak bilatzeko sare gisa lan egin ahal izan dezazun.

• Eta gainera, atera iezaiozu etekinik handiena... Tokiko eta nazioarteko erreferentziazko 20 hizlari honako aukera-eremu hauetan: bizitza luzerako etxebizitza eta ingurunea, arreta eta zaintza, zahartze osasungarria eta aktiboa, plangintza finantzarioa.

Adinberri

Gipuzkoako Foru Aldundiaren eta lurraldeko gizartearen tresna bat da, eta bere helburua da estrategikoki laguntzea bizitza-luzeraren iraultzan (eta horri lotutako fenomenoetan), bai eta horren erronka eta aukerak modu berritzailean aztertzen eta jorratzen. Hori guztia ikuspegi sozial, soziosanitario eta ekonomiko batetik (Silver Ekonomia). Horretarako, Zahartzeari buruzko Erreferentzia Zentro bat jarriko da abian, arreta-eredu berrien eta enplegua sortzeko eredu berrien esperimentazio aktibora bideratuta egongo dena. Lehen mailako erronka baten aurrean gaude, eremu sozialean zein ekonomikoan aukera gisa ulertu behar dena.

 

Informazio gehiago:
www.adinberrisilverforum.com